Обединетото Кралство е сигурно на bucket-листата на секој патник, а Лондон е најголемата урбана зона во Европа, дом на повеќе од 300 различни националности. 

Божиќ, како еден од најочекуваните периоди во годината, може да биде и еден од најстресните. Ослободете се од притисокот и дозволете ни оваа година ние да се погрижиме за вас со нашите празнични пакети. 

Лондон за време на Божиќ е магичен (а уште повеќе кога има снег!). Градот нуди различни активности и настани во кои секој може да ужива во оваа празнична сезона. Еве некои од нашите омилени божиќни настани во Лондон кои не сакате да ги пропуштите: 

Covent Garden, Winter Wonderland во Hyde Park, Божиќните светилки на Oxford Street , Christmas at Kew Gardens, Божиќниот маркет во Southbank Centre, Sky Garden….

Дали вреди да се посети Лондон за време на Божиќ? 

Декември е одлично време за посета на Лондон ако сте љубители на Божиќ, блескавите светла, украсите и прославите што ги носи со себе. Да го видите градот во неговата празнична атмосфера е искуство што нема да го заборавите!

ПРОГРАМА НА ПАТУВАЊЕ

Ден 1 СКОПЈЕ – ЛОНДОН: Пристигнување на аеродромот во Скопје 2 часа пред летот за Лондон. Полетување во 10:40ч со слетување во 13:15ч. Трансфер до хотелот. Сместување. Можност за прошетка низ градот.

– Ручек: Covent Garden – познат по своите уметнички изведувачи и божиќни декорации, како и бројни продавници и ресторани.

– Попладне: Разгледување на London Eye (цена на билет: околу 30 фунти). Панорамски поглед на целиот град, идеално за парови, семејства и сите што сакаат да направат незаборавни фотографии.

– Навечер: Посета на Southbank Centre Winter Market – зимски пазар покрај Темза, со рачни изработки, специјалитети и многу забава за семејства и деца.

Ден 2 ЛОНДОН : Класични Лондонски Локации и Hyde Park Winter Wonderland

– Претпладне: Посета на Buckingham Palace за да се види смената на стражата (бесплатно). Потоа, прошетка низ St. James’s Park.

– Попладне: Прошетка до Westminster Abbey (влезница: околу 27 фунти) и Houses of Parliament со Big Ben – идеално за фотографирање и истражување на историјата на Лондон.

– Навечер: Време за забава во Hyde Park Winter Wonderland, најголемата зимска атракција во Лондон. Бесплатен влез, со дополнителни цени за атракции (лизгалиште: 15-20 фунти). Погодно и за семејства и за парови, со многу активности и греани пијалаци.

Ден 3 ЛОНДОН: Културни Атракции и Вечерна Разонода

– Претпладне: Посета на British Museum (бесплатен влез), еден од најпознатите музеи во светот. Одлично за семејства и културни љубители.

– Попладне: Прошетка низ Tower of London (цена на билет: околу 30 фунти). Откривање на историјата на замокот и Крунските скапоцености. Совршено за сите возрасти.

– Навечер: Уживање во вечера во Soho, познат кварт за ноќен живот и гурманска храна. Одлично за парови или за оние што бараат динамична забава.

Ден 4 ЛОНДОН: Истражување на Greenwich и Завршни Импресии

– Претпладне: Патување до Greenwich со јавен превоз (најдобро е со УБЕР брод), кој вози од Westminster до Greenwich по Temza. Можност за прекрасни фотографии особено кога се поминува под Tower Bridge. Посета на Royal Observatory (цена на билет: околу 16 фунти) каде што може да се стои на нултиот меридијан.

– Попладне: Шетање низ Greenwich Park и посета на Cutty Sark (влезница: 15 фунти). Овој дел од Лондон нуди фантастичен поглед на реката Темза и прекрасна атмосфера, совршен за семејства и парови.

– Навечер: Последна прошетка низ Oxford Street преку Regent Street до Piccdilly Circus за шопинг или уживање во новогодишната светлосна декорација пред заминување кон аеродромот. Оваа прошетка е ‘must‘ за да се заврши/заокружи со Leicester Square

Ден 5 ЛОНДОН – СКОПЈЕ: Трансфер од хотелот до аеродромот Лондон Лутон со пристигнување 2 часа пред летот кој полетува во 05:50ч и слетува во Скопје во 10:05ч.

Дополнителни предлози за атракции:

– The Shard – највисоката зграда во Лондон со панорамски погледи од 70-ти спрат (влезница: околу 28 фунти).

– Tate Modern – бесплатен уметнички музеј за љубителите на современа уметност.

– Madame Tussauds – музеј на восочни фигури (влезница: околу 35 фунти), популарен кај семејствата.

– Piccadilly Circus и Leicester Square – живи локации идеални за вечерно шетање и забава.

– Kensington High Street, Belgravia и Battersea power station – идеално за луксузен шопинг

– Sky Garden – бесплатен влез, но потребна е претходно резервација

Цена за аранжман по лице во двокреветна соба на база ноќевање со појадок

ВО ЦЕНАТА НА АРАНЖМАНОТ Е ВКЛУЧЕНО:

• Авио превоз Скопје – Лондон – Скопје,
• Аеродромски такси
• Рачен багаж до 8кг (40cmx20cmx25cm)
• 4 ноќевања во двокреветна соба на база ноќевање со појадок
• Трошоци за организација на патувањето

ВО ЦЕНАТА НА АРАНЖМАНОТ НЕ Е ВКЛУЧЕНО:

• Британска виза за 6 месеци со повеќе влезови 375€
• Трансфери од aеродром до хотел и од хотел до аеродром 13 фунти во еден правец јавен превоз до центарот на Лондон по лице
• Други факултативни излети и индивидуални трошоци на патниците
• Патничко осигурување
• Други услуги кои не се наведени во програмата

УСЛОВИ ЗА ПЛАЌАЊЕ

• Цената е изразена во евра со денарски курс од 62,00 ден.
• Плаќањето може да биде на фактура.
• Услови за плаќање: 100% од уплатата треба да се изврши при потврда на резервацијата

ОПШТИ НАПОМЕНИ

–  За програмата важат Општите Услови на патување на СКТМ.

–  Пасошот треба да важи минимум 6 месеци по завршување на патувањето.

–  По купувањето на картата важат условите на авио компанијата и наведените саатници на летовите во програмата подложни се на промени и зависат од авио компанијата.

– Организаторот го задржува правото да го откаже во целост аранжманот како резултат на пандемија, а агенцијата во однос на рефундација и/или промени на термини, ќе постапи согласно условите на авиокомпанијата и хотелите.

– Организаторот го задржува правото да ја промени цената на аранжманот во случај на промена на цената на хотелот или авионските карти.

Важни напомени:

–  Цените и расположивоста на места се подложни на промени

Пред секое патување Ве молиме, внимателно да ги прочитате Општите услови за патување на АППРОВЕД ДОО и СКТМ, бидејќи тие се дел од секоја Програма и Договор за патување.